မငြိမ်းချမ်း၍ လှုပ်ယမ်းမငြိမ်
အိုးအိမ်ပစ်ခွာ မြို့ရွာပျက်ယွင်း
ရှောင်ကွင်းမရ ဒုက္ခမျိုးစုံ
သိုင်းခြုံဖွဲ့နှောင် ပိန်းပိတ်လှောင်ခဲ့
ရှင်ရေးခက်ကြုံ ငရဲဘုံတည့်။ ။
အချင်းချင်းတွေ စစ်ခင်းနေကြ
သူသေ-ကိုယ်သေ မိုက်မဲချေပြီ
နင်းချေခံစား ပြည်သူများမူ
ထားရာမှာနေ စေရာသို့သွား
ဘ၀ခါးဝယ် လူသားပုံသွင်
မပီပြင်နိုင် ရှင်သန်ခက်ခဲ
ရုန်းကန်ဆဲတည့်။ ။
လွတ်လပ်ရေးရ ရန်ပွဲစခဲ့
ကာလရှည်ကြာ အားလုံးနာခဲ့
မြန်မာပြည်ဖွား တိုင်းရင်းသားတို့
အမှားလမ်းဝယ် မျက်စေ့လည်ခဲ့
ရန်စွယ်မရှင်း ဒေါသတင်းခဲ့
စစ်ခင်းရင်ဆိုင် အမိုက်ပြိုင်ခဲ့
အနိုင်မရှိ အရှုံးချည့်သာ
ပြည်လုံးနာခဲ့။ ။
ဟိုရှေးဆီက ဌာနီပုဂံ
တောင်ငူဟန်နှင့် တစ်ဖန်ရွှေဘို
အားသစ်ပိုကာ ရွှန်းစိုကြွယ်ဝ
တောက်ပဘုန်းရှိန် ဂုဏ်ဖြိုးသိန်သို့
အချိ်န်မလင့် မဆိုင်းဖင့်ဘဲ
တိုးမြှင့်စွမ်းရည် စည်းလုံးညီစို့
မာန်ချီဝင့်ကြွား တိုးကြိုးစားစို့
နိုးကြားချစ်ကြည် ပြည်သစ်တည်စို့
ရွှင်ကြည်ငြိမ်းချမ်း တို့ကြိုးပန်းစို့။ ။
ပွင့်သစ်
No comments:
Post a Comment