ညကိုစိတ်ထဲနှစ်လိုက်တော့
အတိတ်တွေက
လျှံကျလာတယ်။
အတိတ်ကိုတို့ထိကြည့်မိတော့
အက်ကြောင်းတွေထပ်နေခဲ့တဲ့
ဓာတ်ပြားဟောင်းကြီးတစ်ချပ်လို
ရှိုက်ငိုသံတွေက
အခါခါထွက်ကျလာတယ်။
ဟင့်အင်း
ဒီသီချင်းမကြိုက်ဘူး။
မျက်နှာထသစ်ပြီး
စိတ်ကိုသစ်ပစ်လိုက်တယ်
အတိတ်မရှိတော့ဘူး။
အနာဂတ်မှာ
စစ်မရှိတော့ဘူး။
သေနတ်မရှိတော့ဘူး။
အဏုမြူမလိုတော့ဘူး။
ဒီလိုနဲ့
အိပ်မက်ကလန့်နိုးတော့
အလိုမကျမှုပေါင်းများစွာ
များစွာသောအလိုမကျမှုတွေနဲ့
အကုသိုလ်တွေပွေ့ပိုက်ရင်း
စိတ်တွေကိုညထဲပြန်နှစ်
ကိုယ့်ကိုကိုယ်ပဲ ငြိမ်းချမ်းပစ်လိုက်တယ်။
မင်းည
No comments:
Post a Comment