အခုလိုမျိုး သီတင်းကျွတ်လို့
သားတို့မောင်နှစ်မတစ်တွေ
ဖေကြီးနဲ့မေမေ့ကို
ထိုင်ကန်တော့ကြပြီဆိုရင်
အဖေနဲ့အမေ
တစ်ယောက်မျက်နှာကို တစ်ယောက်ကြည့်ပြီး
သားသမီးတွေအတွက်
ကြည်ကြည်နူးနူး ဆုတွေပေးခဲ့ဘူးတော့
သားတို့လည်း ကြည်နူးခဲ့ရတယ်လေ
အခုတော့လည်း
သီတင်းကျွတ်လို့
ကန်တော့ကြတဲ့အချိန်မှာ
အမေ့ရဲ့ဘေးနားက
လွတ်နေတဲ့
နေရာလေးကို ငေးကြည့်ရင်း
မေမေနဲ့ သားတို့ရဲ့ရင်ထဲမှာ
ကိုယ်စီ ကိုယ်စီ ဝေဒနာတွေနဲ့ပေါ့
ဆုပေးနေတဲ့ အမေ့ရဲ့ မျက်လုံးတွေက
ဝေသီ ညို့မှိုင်းနေသလို
အသံတွေကလည်း
တုန်ခါလှိုက်မောလို့
သားတို့တွေလည်း မျက်လုံးလေးတွေ
ပုတ်ခတ်ပုတ်ခတ်နဲ့ အဖေမရှိတော့တဲ့
နေရာလွတ်ကလေးကို ကိုယ်စီငေးလို့ပေါ့။
မေမေရေ
ဖြစ်နိုင်မယ်ဆိုရင်
နောက်လာမယ့်သီတင်းကျွတ်တွေမှာလည်း
တစ်ဖက်လပ်နေတဲ့ နေရာလေးနဲ့မေမေကို့ပဲ
ကန်တော့ချင်ပါတယ်
နေရာနှစ်ခုစလုံး လပ်သွားတဲ့အတွက်
ဓါတ်ပုံလေးတွေကိုပဲ
ကန်တော့ခွင့်ရမယ့်အဖြစ်မျိုးကိုတော့
မရောက်ချင်သေးဘူး မေမေရယ် နော်
သားတို့မောင်နှမတွေအတွက်
မေမေရဲ့မြေးလေးတွေအတွက်
မေမေ အသက်ရှည်ရှည် နေပေးပါဦးနော်။
မင်းအုပ်စိုး
No comments:
Post a Comment