မိန်းမသားဆိုပေမယ့်
အားနွဲ့မယ်မထင်နဲ့လေ
ခြေလှမ်း…..
မိုင်ပေါင်းတစ်သန်းလှမ်းနိုင်သူ။
လက်နှစ်ဖက်…..
လက်ထိပ်တို့ကို
ချိုးဖျက်နိုင်သူ
နံရံတံတိုင်းကို
ဖြိုလဲနိုင်သူ
နှလုံးရည်…..
အပြုံးတွေစီ
ထောင်တွင်းဝင်သူ
စိတ်မပျက်
တရားဖက်နိုင်သူ။
လက်ရုံးရည်…..
ပြည်သူအတွက်
ဦးရွက်နိုင်သူ
ပြည်သူအတွက်
စွန့်လွှတ်နိုင်သူ။
သြော်…..
မိန်းမသားဆိုလေငြား
ကမ္ဘာကသိ
သမိုင်းလှမှာ
သေချာဘိ။
ပြည်သူကသိ
ရာဇ၀င်သမီးရှင်
ဖြစ်ပါဘိ။
အာဏာရှင်တို့အသိ
ရပ်တည်ဖို့ရာမလွယ်၏။
ပြိုင်လျှင်ရှုံးမှာ
သေချာဘိ။
( အေးသဏ်းမင်း
)
No comments:
Post a Comment